PEUTING
Uyup ayap
poek buta rajin!
Salengkah nece lemahlunta teuing kamana
nutur-nutur induk suku
Meredong,
unggal usik,unggal malik
kaandeg rereged,
cucuk reumis
Duh, marifat jeng tarekat
kakalicesan...
geuning mangsana
manjing ngaji diri
dzikir ka Illahi Robbi
pikeun babalik pikir...
1988
=======================================================================
KEMBANG SOKA
KEMBANG SOKA (Haturan Ikah R.Abi di Surga )
Aya kembang, bangun nu linduh
teuteupna motah
muhitna rindat kadeudeuh
najan waruga kuring,
sesa rarangkang asih
na anjeun narima ?
Juni 1987
POE CANGRA(Haturan Ikah R.Abi di Surga)
Lambat Lambut,
lalangse marudah
katojo panon poe nu ngulisik,
kingkilaban!
Mencrong...
Najan banget kuhapa rek tigin
lumengkah,palias katambias
can cucud mun hirup tacan babakti
sawangan ngimpleng,kahayang ti sareupna
ka subuhnakeun
Poe panjang,guareun urang
pan cenah babaladon
teu sirikna ngahelaran ?!
Bray, poe cangra,mabra
sumiratna pameungkeut asih
sugan baris kasorang
Maret 89
Aya kembang, bangun nu linduh
teuteupna motah
muhitna rindat kadeudeuh
najan waruga kuring,
sesa rarangkang asih
na anjeun narima ?
Juni 1987
POE CANGRA(Haturan Ikah R.Abi di Surga)
Lambat Lambut,
lalangse marudah
katojo panon poe nu ngulisik,
kingkilaban!
Mencrong...
Najan banget kuhapa rek tigin
lumengkah,palias katambias
can cucud mun hirup tacan babakti
sawangan ngimpleng,kahayang ti sareupna
ka subuhnakeun
Poe panjang,guareun urang
pan cenah babaladon
teu sirikna ngahelaran ?!
Bray, poe cangra,mabra
sumiratna pameungkeut asih
sugan baris kasorang
Maret 89
======================================================================
KAMELANG
Rumingkangna kalangkang
ngan sakolebat,bihari
rumenghapna katangen na poe nu simpe
: duh ,tresna teh endah
mun diwincik ku iman jeung kaheman
Sanggeus midangdam katugenah
balebat ngincid ka landeuh,
aya hariring jempling peuting
ngageuing diri
pinasti patelak jeung harti
Sukaresik-Pangandaran,29 Mei 1987
rumenghapna katangen na poe nu simpe
: duh ,tresna teh endah
mun diwincik ku iman jeung kaheman
Sanggeus midangdam katugenah
balebat ngincid ka landeuh,
aya hariring jempling peuting
ngageuing diri
pinasti patelak jeung harti
Sukaresik-Pangandaran,29 Mei 1987
=======================================================================
Batu Hiu
BATU HIU
Jumegurna ombak
neumbag dada
masing parna,
taya sora
nganaha-naha
bongan saha?!
Awak buligir
bet asa keur budak
kokojayan silih simbeuh
poho waktu,nataku
Dicarek teu ditalek
poe isuk tangtu ...mulang!
Batu Hiu, 1986
Jumegurna ombak
neumbag dada
masing parna,
taya sora
nganaha-naha
bongan saha?!
Awak buligir
bet asa keur budak
kokojayan silih simbeuh
poho waktu,nataku
Dicarek teu ditalek
poe isuk tangtu ...mulang!
Batu Hiu, 1986
=======================================================================
Kuring rek mulang
mun diri nyangking kalangkang
moal lana manjang katugenah
lungse
satutas rengse ngawekas udagan
Tanceb kayon muka lalangse
bongan,
bongan rasa motah
ngoconan kadeudeuh
Sukaharja,Agustus 1988
Klik untuk melihat kode: :) =( :s :D :-D ^:D ^o^ 7:( :Q :p T_T @@, :-a :W *fck* x@